Ante a situación de precariedade laboral que están a padecer a as/os traballadoras/es galegas polas graves restricións de dereitos perpetradas tanto polo Goberno Español como pola Xunta da Galiza, retrotraéndonos a épocas históricas que semellaban superadas, o Encontro Irmandiño quere manifestar o seu compromiso de participación nos actos que teñen lugar os días 8 e 10 de marzo: dia internacional da muller traballadora e da clase obreira galega.

En congruencia co noso ideario de esquerdas, manifestámonos contrarias a calquera medida que pretenda precarizar máis aínda os dereitos das traballadoras e dos traballadores, comprometéndonos a loitar como iguais contra a opresión do capital.

O Pobo galego non debe ficar indiferente ante esta ofensiva do capitalismo financeiro na súa fasquía máis reaccionaria dos gobernos do PP, polo que todas e todos debemos participar activamente en todas as mobilizacións, incluída a anunciada greve xeral, para poñer freo ás pretensións de involución e de agresión ao conxunto da poboación e especialmente de escravización da clase traballadora.